"Sanngjarni skatturinn", það er lausnin!

Sæll og blessaður Jón.

Það að ætla að kreista vatn úr steini er það sem þú leggur til kæri Jón, og alveg úr takt við raunveruleikan. Ég geri mér grein fyrir að þú ert að reyna að koma með tillögur til að laga vandann og fyrir það er ég þér innilega þakklátur. En að að sjá lága tölu einhverstaðar og leggja til að hækka hana, svo hún líti vel út í kringum hinar tölurnar, er eitthvað sem bara kemur úr fílabeinsturnum.

Rétt er það að við stöndum frammi fyrir gríðarlegum skuldum og einhvernvegin verður að greiða úr þeim málum. En hvernig mun landið borga skatta í framtíðinni ef fólkið er kæft með hærri sköttum? Klassíska skattakerfið sem íslendingar lifa við í dag er, í hreinni óskynsemi, að drepa gæsina sem verpir gulleggjunum. Það sem við þurfum er skattakerfi sem er einfalt, sanngjarnt og frelsar blessuðu gullgæsina, sem íslenskt þjóðfélag er, til að gera sitt allra besta.

Sanngjarna skattakerfið, er hannað til að verðlauna skynsama hegðun, auka sparnað og gera íslenska efnahaginn þann samkeppnishæfasta í öllum heiminum.

Ég hvet þig, sem og alla, til að kynna þér Fönix áætlunina og þær lausnir sem hún hefur uppá að bjóða fyrir nýtt og betra Ísland. Þetta er auðvitað bara hugmyndir, og öll gagnrýni og uppástungur eru vel þegnar.

Fönix áætlunin sem PDF skjal: http://tinyurl.com/3234bop

Fönix áætlunin á Facebook: http://www.facebook.com/pages/Fonix-aaetlunin/191148188498?ref=search&sid=7pWVYpu0v5gGCiH_0eS_yQ.1365967203..1

Hafðu það gott, brostu og njóttu sumarsins.

- GK

PS: Hefur þú Jón keypt mat á Íslandi nýlega? Ég sem námsmaður neyddist til að lifa á hafragraut í nær öll mál í lok þessa vetur, allt annað var of skelfilega dýrt. Ég varð að flýja land í sumar til að vinna mér inn pening fyrir næsta vetur. Það er ekki líklegt að ég snúi heim til Íslands ef það étur upp allan minn sparnað með enn hærri sköttum, og það á líklegast við um marga af minni kynslóð.

Leggur til hærri skatta á mat og auðlindagjald